{"id":28,"date":"2025-02-15T03:12:12","date_gmt":"2025-02-15T03:12:12","guid":{"rendered":"http:\/\/64.27.63.132\/~pruzzina\/ccvonmoguntia.com\/?page_id=28"},"modified":"2025-03-02T19:09:51","modified_gmt":"2025-03-02T19:09:51","slug":"en-maanzer-in-de-diaspora-rhoihessisch","status":"publish","type":"page","link":"https:\/\/ccvonmoguntia.com\/?page_id=28","title":{"rendered":"En M\u00e4\u00e4nzer in de Diaspora (Rhoihessisch)"},"content":{"rendered":"\n
\"\"<\/figure>\n\n\n\n

Rosemondaach. Ich mu\u00dft\u2018s im Innernet nachgucke wann\u2019s is, dies Jahr. Wie jed\u2018s Jahr, moin m\u00e4\u00e4nzer Herz wei\u00df, nit immer genau, aber wenichstens ungef\u00e4hr, wann\u2019s widder so weit is. Wenn ich die Aache zumach, kann ich fast so mache als ob ich uff the Lu\u2018 steh, \u2018n Gl\u00fchwein in de kalte H\u00e4nd\u2018, oder \u2018n Sektflasch, wenn\u2019s nit so frostich is. Als Kind hab ich schon do gestann, damals natirlisch net mit Alkohol, aber dadefer mit ner Plastiktut, fer die Bombo. Dann sp\u00e4ter, mit guude Kumpels, wenn mer n Pl\u00e4tzche gefunn habbe, wo es nit so voll is. Uff the Gro\u00dfe Bleich\u2018 damals, irchendwo beim Neubrunneplatz. Als mer mit em Ranke Fleischworsch in de Hand gepl\u00e4rrt honn, da\u00df die Musik die H\u00e4nd im Sack hot. Ach, des war schee.<\/p>\n\n\n\n

Des letzte Mol als ich in Meenz war f\u00fcr Fassenacht, des is schon Jahre her. Ich war alleens an dem Daach. Kaaner hot Zeit gehabt mit mer zu gehe. Macht nix, ich bin halt dann so los, durch die Augustinerstroo\u00df, des war oobends. Die Kneipe warn knackevoll, mer hot noch nit emol genuch Platz gekriet, sich bis zu de Tresen durchzuschlaare. Also bin ich drau\u00dfe geblibbe. Macht aach nix. Ich hab mir halt was Fl\u00fc\u00dfisches bei som St\u00e4ndsche geholt und bin einfach mit de Leit mitgelaafe. Peoplewatching, so d\u00e4t ich des heit nenne. Damals\u2026ich habs oofach genosse. Do ware Bands uff the Gass. Mer guckt halt. Wenn se gut sinn, bleibt mer stehe, klatscht und schunkelt mit, wenn de die Worte kennst, kannste aach singe, halt net so laut wenn de net singe konnst. Wenn die Musik Paus\u2018 macht, dann laaft mer halt weider. Aach gud.<\/p>\n\n\n\n

Heit\u2026ich mu\u00df mol im Innernet gucke. Vielleicht honn se widder On Demand, und ich konn die Sitzung gucke, aach wenns nur in Stickscher is. Da\u00df mer mol widder die eischen Sprach h\u00e4\u00e4rt. Wanns lustich is, sogar noch besser, gell?. Es werd mich so bisje ibber Wasser halte bis ich im Sommer vielleicht widder komme kann, mol sehe, wie\u2019s mit \u2018em Geld so hinhaut. Tickets wern als unversch\u00e4mter, un mit dem Urlaub haut des aach net immer so hin. Annern Leit flie\u2019e in die Karibik, ich fliech libber nach Haus.<\/p>\n\n\n\n

Letzt Jahr, do war ich widder mal dehaam. War schee. Nur viel se korz. \u2019S is komisch. Ich h\u00e4tt nie gedacht, da\u00df ich \u00fcbbern Wochemarkt schlendern k\u00f6nnt, un de Anblick von Spaschel, Kabbes un Quetsche mir im Herz weh duut. Des gibts so net, wo ich jetzt wohn. Klar, kannste alles im Supermarkt kaafe, abber Markt, des gibts so nur dehaam, wo de aane Hunsr\u00fccker schw\u00e4tzt, de onner P\u00e4lzisch. Schee. Tu ich vermisse, aach wenn annern des villeicht noch nit emol ufff\u00e4llt.<\/p>\n\n\n\n

Ich bin aach im Wald spaziere gewen, letzt Jahr. Wo ich jetzt wohn, des gibts aach so net. Lennebersch Wald. War schee. Ich bin hoch zum T\u00fcrmche gekrabbelt. Schad das die Deer zu is. Es h\u00e4tt mich gefreit wenn ich \u00fcbber de ganze Wald h\u00e4tt gucke k\u00f6nne. Aber macht nix. Als ich so gelaaf bin, zwo M\u00e4dcher sin mer entgeche komm. Tach. So simpel is des. \u2019N Monn hot gejoggt. Morsche. Schee. Wo ich jetzt wohn\u2026no ja, lasse mer des.<\/p>\n\n\n\n

Ich war aach im Dom, letzt Jahr. Ich hoff blo\u00df des Lehm\u00e4nnche dut mich net enausschmeisse wann\u2019s oiner merkt da\u00df ich gar net katholisch bin. Aber des geheert do dezu, wenn ich widder mol heem komm. De Herrgott werds mir wohl vergebe, wenn ich ihn im falsche Haus besuch. Es is halt scheener als in so\u2019ner nackische, kalte, moderne evangelisch Kersch. Er is neemlich dran schuld, da\u00df ich fort bin vun Meenz. Gott, meen ich. Hat mich fottgeschickt, damit ich annere Sache lern, die mer dehaam net so mitkriet. Wie die Leit woannerster wohne un lebe. Anner Sprach. Aach Sache in moim Beruf. Macht schon Sinn. Trotzdem. Ich d\u00e4t gern widder dehaam wohne.<\/p>\n\n\n\n

Abber dann, wenn ich\u2019s widder jeden Daach se\u2019e d\u00e4t, moin Meenz, vielleicht werds widder so wie frier, als ich noch do gewohnt hon. Es werd gemeckert wenn\u2019s reehnt. Un \u00fcbber die Parkerei unn die Verkehrsplanung in de Stadt gel\u00e4stert. \u00dcbber die hohe Miete werd gemault. Dann isses net mer so schee, moin Meenz. Vielleicht is es besser, so wie\u2019s is. Ich wohn woannerster un komm, ab un zu, wie\u2019n Tourist, um zu gucke, ob\u2019s noch steht, moin Meenz, de Dom, des Schlo\u00df, die Altstadt. Obs noch Woi gibt, in Meenz, ob de Rhoi noch Wasser hot. Mer waa\u00df jo nie.<\/p>\n\n\n\n

Schon lang bin ich fort. S\u2019 werd wohl noch l\u00e4nger dauere. Wer waa\u00df, aber vielleicht\u2026 wenn\u2019s de Herrgott gut mit mir meent, dann komm ich widder, un dann bleib ich do. Vielleicht dauerts noch fufzisch Johr, aber irchendwann, da komm ich widder. Denn do bin ich dehaam, in moim Meenz. Beim blo\u00dfe dran denke, vor Heimweh d\u00e4te mir grad die Aache so komisch brenne.<\/p>\n","protected":false},"excerpt":{"rendered":"

Rosemondaach. Ich mu\u00dft\u2018s im Innernet nachgucke wann\u2019s is, dies Jahr. Wie jed\u2018s Jahr, moin m\u00e4\u00e4nzer Herz wei\u00df, nit immer genau, aber wenichstens ungef\u00e4hr, wann\u2019s widder so weit is. Wenn ich die Aache zumach, kann ich fast so mache als ob … Continue reading →<\/span><\/a><\/p>\n","protected":false},"author":1,"featured_media":0,"parent":24,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-28","page","type-page","status-publish","hentry"],"jetpack_sharing_enabled":true,"_links":{"self":[{"href":"https:\/\/ccvonmoguntia.com\/index.php?rest_route=\/wp\/v2\/pages\/28","targetHints":{"allow":["GET"]}}],"collection":[{"href":"https:\/\/ccvonmoguntia.com\/index.php?rest_route=\/wp\/v2\/pages"}],"about":[{"href":"https:\/\/ccvonmoguntia.com\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/ccvonmoguntia.com\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/ccvonmoguntia.com\/index.php?rest_route=%2Fwp%2Fv2%2Fcomments&post=28"}],"version-history":[{"count":3,"href":"https:\/\/ccvonmoguntia.com\/index.php?rest_route=\/wp\/v2\/pages\/28\/revisions"}],"predecessor-version":[{"id":102,"href":"https:\/\/ccvonmoguntia.com\/index.php?rest_route=\/wp\/v2\/pages\/28\/revisions\/102"}],"up":[{"embeddable":true,"href":"https:\/\/ccvonmoguntia.com\/index.php?rest_route=\/wp\/v2\/pages\/24"}],"wp:attachment":[{"href":"https:\/\/ccvonmoguntia.com\/index.php?rest_route=%2Fwp%2Fv2%2Fmedia&parent=28"}],"curies":[{"name":"wp","href":"https:\/\/api.w.org\/{rel}","templated":true}]}}